Осиё чемпионлар лигасининг гуруҳ босқичи доирасида "Бунёдкор" сўнгги баҳсни Қатарда "Лахвия"га қарши ўтказди.
Бу ўйин ҳар иккала жамоа учун ҳеч қандай аҳамиятга эга эмас эди: барибир "Бунёдкор" гуруҳда 4, "Лахвия" 2-ўринда қолиши аниқ эди. Шу боис бўлса керак, мезбонлар бош мураббийи ўйинга асосан иккинчи таркибни туширди.
Қарши ҳужумни тактикасини танлаган "қалдирғочлар" танаффусга қадар бир эмас, икки марта рақиб дарвозасини ишғол қилиши мумкин эди. Ҳамдамов жарима майдончаси ичида йўллаган зарбаларнинг бирида тўп тўсин устидан бироз юқоридан ўтган бўлса, иккинчисида — яккама-якка вазиятда йўллаган зарбадан кейин тўп деярли устунни силаб ўтиб кетди.
Иккинчи бўлимда ҳам Достонда иккита, жамоадошларида яна бир нечта вазиятлар юзага келди. Аммо, лекин, Лушчан шогирдлари имкониятлардан фойдалана олишмади.
Шу тариқа, "Бунёдкор" гуруҳ босқичида 3та дуранг ва 3та мағлубият қайд этди ва сўнгги ўринни эгаллади.
ОЧЛ, "В" ГУРУҲИ, 6-ТУР
"ЛАХВИЯ" - "БУНЁДКОР" 0:0
“ЛАХВИЯ”: 40.Амин Лекомте, 7.Холид Муфта, 8.Луиз Жуниор, 14.Муҳаммад Тресор, 15.Диоко Калиуютика, 18.Аҳмад ас-Садий, 20.Али Ҳассан, 24.Холид Радван, 39.Саид ал-Қаҳтоний, 40.Амин Лекомте, 70.Исмоил Муҳаммад.
"БУНЁДКОР”: 25.Муроджон Зухуров, 2.Акмал Шораҳмедов (С), 3.Акром Комилов, 6.Анвар Ғофуров, 7.Шакер Зуаги, 10.Элдор Шомуродов, 17.Достон Ҳамдамов, 19.Забиҳилла Ўринбоев, 29.Отабек Шукуров, 30.Юрица Бульят, 71.Александар Алемпиевич
