Ўзбекистон ўсмирлар терма жамоаси айни вақтда Бирлашган Араб Амирликларида ўқув-машғулот йиғинларини олиб бормоқда.

Шу йилнинг сентябрь ойида бўлиб ўтадиган 16 ёшгача бўлган футболчилар ўртасидаги Осиё чемпионатига тайёргарлик кўраётган Ўзбекиcтон ўсмирлар терма жамоаси йиғин доирасидаги биринчи ўртоқлик учрашувини ўтказди.

БАА U16 терма жамоасига қарши ўйин тақдирини Абдулҳай Исмоилов томонидан киритилган ягона гол ҳал қилди.

Учрашувнинг 75-дақиқасида Темур Олимхўжаев шогирдлари ўнг қанотдан ҳужум уюштириб, тўпни жарима майдони томон етказиб беришди, аниқ узатмани, Абдулҳай Исмоилов рақиб дарвозасига жойлаб қўйди.

Ўртоқлик учрашуви.

05.05.2016, Дубай, БАА.

Ўзбекистон U-16 – БАА U16 1:0

Гол: Абдулҳай Исмоилов

Ўзбекистон: Жўраев, Абдуллаев, Холдоров, Каримов, Камолов, Урунов, Азизхўжаев, Соатов, Азимов, Йўлдошев, Абдуманнопов.

Захира: Неъматов, Хайруллаев, Исмоилов, Абдусатторов, Парпиев, Турғунбоев, Абдураҳмонов, Намозов, Сафутдинов, Куйлибоев.