"Бавария"да бош мураббий Хосеп Гвардиола билан клуб тиббий хизмати ўртасида навбатдаги келишмовчилик келиб чиқди.

Bild тарқатган хабарга кўра, ЕЧЛ яримфиналида "Атлетико"га қарши жавоб учрашувидан сўнг испаниялик мутахассис кийиниш хонасига кириб шифокорларга шундай деган: "Атлетико"да Годинни тез оёққа турғазишди, нима учун менда бу нарса содир бўлмади?"

Клуб шифокорларидан бири жим турмади ва Гвардиолага шундай жавоб берди: "Бундай дейишга ҳаққинг йўқ. Сенинг ихтиёрингда Роббен ва Бадштубердан бошқа барча футболчилар бор".

Шундан сўнг вазият чигаллашди ва яримҳимоячи Франк Риберининг аралашувидан сўнг жанжалга чек қўйилди.