Футзал бўйича клублар ўртасида Осиё чемпионатига қуръа ташланди. Қуръа натижасида Ўзбекистоннинг амалдаги чемпиони — "Олмалиқ" "В" гуруҳидан ўрин олди.

Олмалиқликларга гуруҳда Эроннинг "Тасисат Дарёий" ва Ливаннинг "Ал-Маядин" клублари рақиблик қилишади.

Мусобақада 12та жамоа иштирок этади ва клублар 3тадан 4та гуруҳга бўлинишади. Турнирга Таиланд мезбонлик қилади. Мусобақа 13-25 июль кунларига белгиланган.

"A" гуруҳи: "Чонбури Блювейв" (Таиланд), "Нагоя Оушенс" (Япония), "Вик Виперс" (Австралия)
"B" гуруҳи: "Тасисат Дарёий" (Эрон), "Ал-Маядин" (Ливан), "Олмалиқ" (Ўзбекистон)
"C" гуруҳи: "Нафит ал-Васат" (Ироқ), "Далиан Юан Династи" (Хитой), "Дибба ал-Ҳиссин" (БАА)
"D" гуруҳи: "Санна Хан Хоа" (Вьетнам), "Ас-Садд" (Қатар), "Тайповер" (Хитой Тайпейи)