Март ойининг сўнгги кунларида Грузиянинг NSP.Ge ахборот портали Тбилисининг "Врастан" газетаси бош муҳаррири Ван Байбуртнинг "Барселона" ҳужумчиси Лионель Мессининг арман миллатига мансублиги ҳақидаги сўзларини тарқатди.
Вазиятни аниқлаш мақсадида sputnikarmenia.ru мухбири Лаура Саркисян Ван Байбурт билан боғланди.
"Биласизми, баъзи журналистлар мендан интервью олар чоғида нимагадир Саакашвили - арман, Жвания- арман эканлигини сўрайверадилар. Мен ноқулай саволдан қутилиш мақсадида
"Нега Саакашвили, Жвания ва бошқаларга ёпишиб олдингиз? Келинг, Месси ҳақида гаплашамиз, ахир унинг келиб чиқиши ҳам арман-ку", - дедим.
- Месси ким? - деб сўрашди.
- Биласизми, унинг бувиси ва бобоси - тбилисилик арман-католиклар. У ярим арман.
- Буни қаердан олдингиз?
- Қаердан оламан? Унинг исми Лионель. Она томондан бобосининг исми Леон бўлган, бувисининг исми Нелли бўлган, шундай қилиб набираларининг исмини Лионель қўйишган".
Шу тариқа Ван Байбуртнинг ҳазил сўзлари бир қатор ОАВ томонидан контекстдан олиниб Мессини ҳақиқий арман қилишган.
Аслида арманлар таниқли кишилар орасидан ўз миллатдошларини излайдилар. Мисол тариқасида ФИФА президенти Жанни Инфантино ҳам ташкилотга янги президент этиб тайинланганида hayastanNews.com сайти унинг арман миллатига мансублиги ҳақида хабар тарқатган эди.
Грузинлар орасида "арманлар ҳар бир кишида арманни кўрадилар, ҳар изда арманнинг изини излайдилар" деган латифа юради.
Ҳазил ҳазил билан, аммо таниқли рус ҳарбийси Александр Суворов, шоир Булат Окуджава, таниқли композитор Мишель Легран, актёрлар Луи де Фюнес ва Освальдо Риос, автопойгачи Ален Прост - ҳаммаси арман эканлигидан кўпчиликнинг хабари бўлмаса керак, - деб ёзади Sputnik Армения.
