“Барон”, “Сотқин”, “Паноҳ”, “Келгинди келин” каби машҳур фильмлар режиссёри Рустам Саъдиев томонидан 2004 йилда Юлдуз Усмонованинг “Қалб” номли қўшиғи учун суратга олинган клипда бош ролни Зайниддин Тожиев ижро этганидан хабарингиз борми?

Клип сюжети қуйидагича: Клипда З.Тожиев ва унинг рафиқаси ўртасида тушумовчилик юз беради ва Зайниддин юкларини олганча рафиқаси ва фарзандини ташлаб уйдан чиқиб кетади. Айрилиқ онларини Зайниддин тушкунликда, рафиқаси эса чуқур изтиробда ўтказа бошлайди.

Зайниддин ўз аламини машғулотлардан олса, унинг рафиқаси биргаликда тушган суратлари ва турмуш ўртоғи қўлга киритган ютуқларга термулганча ўтмишдаги бахтли онларни ёдга олади. Зайниддин ОЧЛда гол урган вақтида унинг рафиқаси Тожиевнинг спорт формасини қучганча кўзёш тўкар эди.

Клип сўнгида Зайниддиннинг рафиқаси ўз фарзанди билан "Пахтакор" стадионига келади. Зайниддин Тожиев ва унинг рафиқаси бир-бирларига суянган паллаларида клип ўз поёнига етади.

Шунингдек, клипдаги лавҳалар орасида ана шу йилларда "Пахтакор" жамоасининг бош мураббийи Тачмурад Агамурадов, жамоада тўп сурган — Сервер Жепаров, Бахтиёр Ашурматов, Темур Кападзе ва "Пахтакор" стадионининг реконструкция қилинишидан олдинги ҳолатини кўришимиз мумкин.

Клипни TAS-IX'дан томоша қилишингиз мумкин:



Улуғбек Худойберганов (Bek_Uzbekistan)