"Барселона" ва "Бунёдкор" футбол клубларида тўп сурган машҳур бразилиялик футболчи Ривалдо Рио-де-Жанейрода 17 ёшли қиз ўлдириб кетилгандан кейин одамларни ушбу шаҳарда ўтадиган 2016 йилги Олимпиадага келмасликка чақирди. 

Қиз ўғрилар томонидан уни тунаш пайтида ўлдириб кетилди.

Афсонавий футболчи, собиқ жаҳон чемпионининг айтишича, унинг ватанидаги жиноятчилик даражаси 4 йилликнинг бош спорт мусобақаларини юқори даражада ташкил этишга имкон бермаслигини айтиб ўтди.

"Риода жиноятчилар 17 ёшли қизни ўлдириб кетишди. Мамлакатдаги вазият борган сари ёмонлашиб бормоқда. Бразилияга ёки Риодаги Олимпиадага келмоқчи бўлганларга ўз уйларида қолишни тавсия қиламан. Бу ерда сизнинг ҳаётингиз хавф остида қолади. Мен ҳали соғлиқни сақлаш соҳасидаги муаммолар ва сиёсий тартибсизлик ҳақида гапирмаяпман. Бизнинг давлатда юз бераётган расвогарчиликни эплаш фақатгина Тангрининг қўлида", деб ёзди Ривалдо Instagram’даги саҳифасида.

Эслтиб ўтамиз, Рио-де-Жанейродаги Олимпиада ўйинлари 5-21 август кунлари бўлиб ўтади.