Бугун, Ғузор “Марказий” стадионида 9 май хотира ва қадрлаш куни муносабати билан Қашқадарё футболининг фидойи инсонлари Анатолий Курасов, Эшмурод Чоршамбиев, Ботир Эгамов, Шухрат Акмирзаев, Акром Эшпўлатов, Шариф Каримов, Дилшод Одиловларни хотирлаш мақсадида ташкиллаштирилган “футбол фидойилари” хотира турнирининг очилиш маросими бўлиб ўтди.

Хотира турнирига ташриф буюрган Ғузор тумани ҳокими, Ғузор туман футбол федерацияси президенти – Шомурод Холбоевич Донаев, Қашқадарё футбол федерацияси биринчи вице-президенти – Норқул Муродович Даминов, “Шўртан” ПФК бош директори – Шоди Мажидович Номозов, Анатолий Курасовнинг оиласи – Нина Васильевна Курасова ва ушбу турнир бағишланган инсонларнинг оила аъзолари юқорида айтиб ўтилган фидойи инсонлар хаётидан ва фаолиятидан ўз хотиралари билан стадионда йиғилган барча иштирокчилар ҳамда мухлислар билан бўлишиб, ўтганларни бир дақиқа ёд олишди. Ўтганларнинг оила аъзолари эса, турнир ташкилотчиларига ўз миннатдорчиликларини изҳор этишди.

Ушбу мусобақада вилоятимизнинг ўнта ҳаваскор жамоалар иштирок этишмоқда. Жамоалар икки гуруҳга ажратилдилар ва қуръага кўра “А” гуруҳидан “Оқ бўрилар” Ғузор ш., “Олимпия” Қарши ш., “Кимёгар” Ғузор ш., “Фан клуб” Ғузор ш., “Шўртан -1” Ғузор ш. ўрин олган бўлса, “В” гуруҳида Шаҳрисабзнинг “Ҳисор”, Ғузорнинг “Мартепа”, “Шўртан -2”, Қаршининг “Пульсар” ва “Қарши терма жамоаси” кабилар турнирнинг асосий совринлари учун кураш олиб бормоқдалар.