Куни кеча Фарғона вилояти ҳокими, Вилоят футбол федерацияси президенти Шуҳрат Мадаминович Ғаниев “Нефтчи” ПФК вакиллари ўртасида навбатдан ташқари йиғилиш ўтказди.
Йиғилиш натижаси кўра, шу кунга қадар “Нефтчи” Профессионал клубининг раиси сифатида фаолият олиб келган Салим Нурматович Зокиров ўз вазифасидан озод этилди. Унинг ўрнига фарғоналик футбол мухлисларига яхши таниш бўлган Рустам Раҳмонович Абдуллаев клубнинг янги раиси сифатида тайинлади. Собиқ раҳбар Салимжон Зокиров эса клуб тизмида фаолиятини давом эттиради.
Мухлисларга яхши маълумки, “Нефтчи” ПФКнинг янги раҳбари футболчи сифатида жамоамизда фаолият олиб борган. Тажрибали мухлислар Абдуллаевнинг ўша даврдаги ёрқин ўйинларини яхши эслашади. Унинг клуб таркибида 1993-йилги Ўзбекистон чемпионлигини қўлга киритганини ҳам алоҳида айтиш жоиздир. Биз эса Рустам Раҳмоновичнинг “Нефтчи”даги янги фаолиятида омад ва зарафлар ёр бўлишини тилаб қоламиз!
“Нефтчи” матбуот хизмати
