"Барселона" ҳужумчиси Лионель Месси Испания чемпионатининг 37-турида "Эспаньол"га қарши учрашувда Пау Лопеснинг дарвозасини ишғол қилганидан сўнг ўзини тутиб тура олмади.
Каталонияликлар 5:0 ҳисобида ғалаба қозондилар, биринчи голни жарима зарбасида Лионель Месси киритди ва Лопесга: "Қабул қилиб ол, тентак" деган.
Мессининг бу қилиғи бежизга бўлмаган. Испания кубогининг 1/8 финали дастлабки учрашувида "Барселона"нинг ҳужумларидан бирида "Эспаноль" посбони майдонда ётган Мессининг оёғини босган. Ўйиндан сўнг Лопес буни тасодиф деб, атай қилмаганини айтган.
