Ҳамюртимиз Ҳусниддин Ғофуров фаолият олиб бораётган Иваницанинг “Явор” жамоаси Сербия Кубоги финалида машҳур “Партизан” клубига қарши баҳс юритди.
Жуда қизиқарли тарзда кечган ўйинда маҳорат бобида устунроқ бўлган “Партизан” футболчилари 2 та тўп фарқи билан зафар қучишди. Натижада серб футболи байроқдори ўз тарихида 4 марта мамлакат кубогида зафар қучди ва келаси мавсумда Еврокубокларда ўйнаш масаласини ҳал этиб қўйди.
Ҳамюртимизнинг “Явор” жамоаси эса финалда аламли тарзда мағлуб бўлди. Шуни таъкидлаш жоизки, Ҳусниддин Ғофуров кубок баҳсларида 2 марта сариқ карточка олгани боис финалда майдонга туша олмади.
Энди “Явор Матис” навбатдаги ўйинини 15 май куни “Ягодина”га қарши сафарда ўтказади.
