«Навбаҳор»-«Қўқон-1912» (5:1) учрашувидан сўнг мураббийлар фикри билан қизиқдик.


М.Исмоилов: Ўйинни ёмон бошламагандик, тезкор гол уришга эришдик. Афсуски ҳимоядаги хатолардан сўнг рақиб 3та гол урди. Барча 3та гол ҳам стандарт вазиятлардан ўтказдик. Иккинчи таймни ёмон ўтказмадик. Оддий ҳолатларда қилган хатолардан сўнг Пишур қаҳрамон бўлди. Иқбол Маликжонов ва Ойбек Рустамов учун хурсандман. Бугун Рустамов олий лигада дебют қилди. Бу ёшлар келажакда жамоа етакчиларидан бўлиб етишишади. Улар тўхтаб қолишмаса бўлгани. Бугунги мағлубиятдан сўнг раҳбариятдан истеъфо сўрайман. Барча йўлларни қилиб кўрдик, сўнгги чора бу мураббийни алмаштириш бўлса керак. Шу боис ўзимни бўшатишларини сўрайман. Бизга ғолиблик руҳияти етишмаяпти. Агар раҳбарият лозим топадиган бўлса жамоада қолишга тайёрман, лекин бундай мағлубиятдан кейин менга ҳозир жуда қийин.