"Навбаҳор" жамоаси бош мураббийи Александр Волков кеча Ҳаққулободда ўтган "Норин"-"Ғиждувон" (5:1) учрашувини кузатиб борди.

Маълумотларга қараганда, "Норин" жамоасидан айрим футболчилар иккинчи даврадан "Навбаҳор" сафига қўшилиши мумкин. Асосий номзод сифатида россиялик ҳужумчи - Владислав Алексин кўрилмоқда.

Жорий йилги биринчиликда "Норин" сафида тўп сураётган форвард ҳозиргача рақиблар дарвозасига 8 та гол киритишга муваффақ бўлди. Бу борада Алексин тўпурар бўлиб турибди.

Владислав Алексин Сергеевич 1992 йил 3 сентябрь куни Москвада таваллуд топган (ПФЛ расмий сайтида 1993 йилда туғилганлиги кўрсатилган). "Металлург-М" (Липецк), "Спарта-2" (Шелково), "Понтос" (Витязево), "Волгарь" (Астрахан) жамоаларида тўп сурган. Бўйи 192 см, вазни 72 кг.