Хабарингиз бор, бугун Тошкентнинг "Локомотив" жамоаси ОЧЛ нимчорак финал баҳсидаги илк учрашувни Саудия Арабистонинг "Ал Ҳилол" клуби майдонида ўтказади.
Бу жамоалар ўтган йили ушбу турнирнинг гуруҳ босқичида ўзаро тўқнаш келишган ва ҳар икки учрашувда саудиялик зафар қучган ва якунда "темирйўлчилар" гуруҳда қолиб кетишган эди.
Бу галги ўйинда эса "Локомотив" мураббийи Мирко Еличич ўтган ўйинлардан катта тажриба тўплаб, жамоа кейинги босқичга чиқишни ўз олдига мақсад қилганини таъкидлаб ўтди.
– Биз ўтган йили "Ал Ҳилол"га қарши ўйнаганмиз ва уларни яхши биламиз. Йўл қўйилган хатоларни бартараф этиш учун бизда етарлича вақт бўлди, – дейди Еличич. – Биз ўйинга тайёрмиз ва бунда бизга осон бўлмаслиги аниқ. Агар турнирда давом эттиришни хоҳласак, бу ўйинда ижобий натижа қайд этишимиз зарур.
– Биз гуруҳдан чиқиб, биринчи вазифани бажариб бўлдик ва эндиги мақсадимиз чорак финалга йўл олиш. "Ал Ҳилол" ажойиб мухлисларга эга ва бу ўйинда уларни қўллаб-қувватлашади. Сафарда ғалаба қозониш учун бор кучимизни ишга солишимиз зарур.
Эслатиб ўтамиз, "Ал Ҳилол" - "Локомотив" баҳси бугун Тошкент вақти билан 23:05 бошланади.
