Шу йилнинг 10 сентябридан 1 октябрига қадар Колумбияда ўтказиладиган футзал бўйича Жаҳон чемпионатининг мукофот жамғармаси эълон қилинди. Бу ҳақда «Оламспорт» хабар бермоқда.

Жаҳон чемпионатининг умумий мукофот жамғармаси 1 миллион 455 минг долларни ташкил қилади.

Унга кўра, бўлажак жаҳон чемпиони 250 минг долларни қўлга киритади. Финалга етиб келган терма жамоа 150 минг долларга эга бўлади. Бронза медаль соҳибларига роппа-роса 100 минг доллар тақдим этилади.

Жаҳон чемпионатида иштирок этган барча 24 та терма жамоага 40 минг доллардан пул мукофоти кафолатланган. Ушбу турнирда Ўзбекистон футзал термаси ҳам иштирок этади.

Футзал бўйича Жаҳон чемпионатининг мукофот пули тақсимоти қуйидагича кўриниш олган.

Жаҳон чемпиони — 250 000 доллар;
Вице-чемпион — 150 000;
Бронза медаль соҳиби — 100 000;
4–ўрин — 75 000;
5–8-ўринлар — 60 000;
9–24-ўринлар — 40 000.