Осиё чемпионлар лигасининг нимчорак финал босқичи доирасида "Ал-Ҳилол" ва "Локомотив" жамоалари ўртасидаги дастлабки ўйин якунига етди. Ар-Риёдда бўлиб ўтган ўйинда "темирйўлчилар" 0:0 ҳисобидаги дурангни сақлаб қолишди.

Бунда жамоа дарвозабони Игнатий Нестеровнинг ҳиссаси жуда юқори бўлди. У "Ҳилол"нинг камида 3та ўта хавфли зарбасини қайтаришга муваффақ бўлди.

Мазкур ўйинга ҳимоявий тактика танлаган "Локомотив" сафар ўйини бўйича ўз мақсадига эришди. Энди барча масала 24 май куни Тошкентда ўтадиган жавоб баҳсида ҳал бўлади.

ОЧЛ, НИМЧОРАК ФИНАЛ, ДАСТЛАБКИ ЎЙИН
"АЛ-ҲИЛОЛ" - "ЛОКОМОТИВ" - 0:0
"Ал-Ҳилол": 22.Фаҳад аз-Зуайян 3.Карлос Эдуардо (Ёсир ал-Қаҳтоний 79), 4.Абдулла аз-Зорий, 5.Аҳмад Шараҳилий, 7.Салмон ал-Фараж, 8.Абдуллоҳ Отайф, 9.Айлтон Алмейда, 24.Навоф ал-Обид (Файсал Дарвиш 62), 26.Дигао, 29.Салим ад-Довсарий, 70.Муҳаммад Жаҳвалий
"Локомотив": 1.Игнатий Нестеров, 5.Кахи Махарадзе, 8.Сервер Жепаров, 10.Марат Бикмаев (Санжар Шоаҳмедов 67), 11.Темурхўжа Абдухолиқов, 15.Сардор Мирзаев (Икром Алибоев 59), 17.Салим Мустафоев, 18.Темур Кападзе, 20.Ислом Тўхтахўжаев, 33.Олег Зотеев (Неманья Яничич 80), 37.Шерзод Файзиев
Бош ҳакам: Ким Хюнг Жин (Жанубий Корея)