Чемпионатимизнинг етакчиларидан бири “Насаф” га қарши навбатдаги турни “Металлург” тоғ ва металлургия саноати ишчиси куни байрами арафасида ўтказди ва ажойиб ғалабаси билан маъданчиларга байрам кайфиятини улашди. Ўйин тақдирини Дилмурод Каримов томонидан киритиган гол ҳал этди.
Ўйиндан кейин ўтказилган матбуот анжуманида мезбонлар жамоаси бошлиғи Шавкат Саидов ўз фикр мулоҳазаларини баён этди.
"Насаф" билан учрашув оғир кечишини билгандик. Шунга яраша жиддий тайергарлик кўрдик. Хабаринглар бор, икки кун муқаддам Бекободда "тоғ ва металлургия саноати ишчиси куни" байрами кенг нишонланди. Биз шаҳримиз аҳлига байрам кайфиятини давом эттириш имкониятини беришни дилимизга тугиб қўйгандик. Худога шукур, ниятимизга эришдик. Бунинг учун майдонга тушган, захирада туриб бўлсада ўйнаетган жамоадошларини қўллаб-қувватлаб турган барча футболчиларимизга, мураббийлар штабига катта миннатдорчилик билдираман.
"Насаф" ҳақида тўхталадиган булсам, Рўзиқул Бердиев жуда кучли жамоани шакллантирган. Бугун ҳам улар нималарга қодир эканликларини намойиш этшди. Бироқ бизда иштиёқ кучли эди, омад ҳам биз томонда бўлди. "Насаф"га кейинги ўйинларда омад тилайман, - дейди Шавкат Саидов.
