“Севинч” жамоаси бугун XXII Ўзбекистон чемпионати 4-тур учрашувини ўз майдонида Тошкентнинг “Локомотив W” жамоасига қарши ўтказди.
Учрашувнинг дастлабки дақиқаларидан ташаббусни ўз қўлларига олишган жамоамиз ўйинчилари катта босим билан ҳужумга ўтишди. Бу босимга меҳмонлар 15 дақиқа бардош бера олишди, яъни бутун жамоа бўлиб ҳимояланган “Локомотив W” жамоаси шунча вақт ўз дарвозалари даҳлсизлигини сақлаб туришди.
Учрашувдаги ҳисоб 15-дақиқага келиб очилди. Майдонннинг ўнг қанотидан ташкил этилган тезкор ҳужумда тажрибали ярим ҳимоячимиз Танзиля Зарбиева ўткир бурчакдан дарвозага зарба йўллади, бу зарбани Соҳибжамол Ражабова қайтаришга ожизлик қилди ва тўп дарвоза тўридан жой олди -1:0.
Учрашувдаги иккинчи гол 32-дақиқада Саида Хандамова томонидан киритилди. Жамоамизнинг марказдан бошланган чиройли комбинациясини тажрибали ярим ҳимоячиларимиздан бўлган С.Хандамова голга айлантирди – 2:0.
Қолган дақиқаларда ҳам майдондаги устунлик тўлиқ “Севинч” жамоаси томонида бўлди, аммо дарвозаларга бошқа голлар киритилмади, ана шу ҳисобда биринчи бўлим ниҳоясига етди.
Иккинчи бўлим голларга бой бўлди. Бўлим бошидан яна кетма-кет ҳужумлар ташкил этган жамоамиз ўйинчилари, рақиб ҳимоясини хато қилишига эришди ва ўйинчиларимиз навбат билан голлар киритишни бошлашди. Иккинчи бўлимда жамоамиз ўйинчилари “Локомотив W” дарвозасига еттита гол уришга муваффақ бўлишди. Зебо Жўраева (2), Нилуфар Қудратова (2), Шахноза Жамолова, Эльвина Аблякимова, Камола Рискиевалар голларга муаллифлик қилишди. Камола Рискиеванинг бундан ташқари бир неча голларга ассисентлик қилганини ҳам таъкидлаш жоиз.
Шундай қилиб, жамоамизнинг тўлиқ устунлигида ўтган учрашувда йирик ҳисобдаги ғалабага эришилди. Энди жамоамизнинг йиққан очколари сони 12тага етди ва турнир жадвалидаги пешқадамликни давом эттирмоқда. “Севинч” жамоаси ўтган тўрт учрашувда рақиблар дарвозасини 33 марта ишғол қилишди. Ҳужумчимиз Нилуфар Қудратова ҳозиргача 8 марта гол киритиб, тўпурарлар рўйхатини бошқариб бормоқда.
“Севинч” навбатдаги тур учрашувини яна ўз майдонида ўтказади. Бу сафар жамоамиз Тошкентнинг яна бир жамоаси “Бунёдкор W”га қарши майдонда саф тортишади. Учрашув 21 май шанба куни “Геолог” стадионида бўлиб ўтади.
XXII Ўзбекистон чемпионати, 4-тур
“Севинч” (Қарши) – “Локомотив W” (Тошкент) 9:0 (2:0)
18.05.2016. Қарши ш., “Геолог” стадиони. Соат 17:00да
Бош ҳакам: Хушнудбек Отамуродов (Хоразм вил.)
Қанот ҳакамлари: Жанон Хомидов (Косон), Дилфуза Рўзиева (Қарши)
Захира ҳаками: Ҳуснора Жумаева (Қарши)
Назоратчи: Махмуд Шарипов (Бухоро).
Голлар: Танзиля Зарбиева, 15′-1:0, Саида Хандамова, 32′-2:0, Зебо Жўраева, 52′-3:0, 61′-5:0, Нилуфар Қудратова, 55′-4:0, 79′-7:0, Шахноза Жамолова, 72′-6:0, Эльвина Аблякимова, 83′-8:0, Камола Рискиева, 86′-9:0.
“Севинч”: 16.Матлуба Абдурасулова (12.Лайло Тилавова 46), 5.Маҳлиё Юсупова ( 19.Шохида Тожиддинова 57), 20.Зумрат Назарова, 11.Шахноза Жамолова, 4.Саида Хандамова, 17.Танзиля Зарбиева, 18.Камола Рисқиева, 23.Нилуфар Қудратова, 22.Малика Бурхонова (25.Эльвина Аблякимова 55), 77.Шодия Тошева (9.Мафтуна Шоимова 46), 10.Зебо Жўраева (с) (6.Ольга Кахарова 63).
Захира: 7.Феруза Турдибоева.
“Локомотив W”: 1.Сохибжамол Ражабова, 2.Мая Назарова, 4.Юлдуза Ҳамдамова, 18.Ильвина Камолиева (17.Дурдонахон Бахтиёрова 59), 21.Хуршида Жуманова, 22.Мафтуна Жўраева, 24.Омадхон Султанова ( 7.Зарина Бобоева 46), 35.Мадина Абдураимова, 36.Насиба Жўраева, 41.Малика Халилова, 55.Маҳлиё Абдурашидова.
Захира: 84.Инара Усарова, 30.Қурбонгул Пардаева.
Огоҳлантириш: Маҳлиё Юсупова 41.
Қуйида бугунги ўйинлардан кейин мусобақа жадвалидаги ўзгариш билан танишинг:
Турнир жадвали| Т/р | Ў | Ғ | Д | М | К/Г | Ў/Г | Т/Н | Оч. |
|---|---|---|---|---|---|---|---|---|
1 Севинч |
4 | 4 | 0 | 0 | 33 | 2 | 31 | 12 |
2 Бунёдкор W |
3 | 3 | 0 | 0 | 13 | 0 | 13 | 9 |
3 Металлург W |
3 | 3 | 0 | 0 | 9 | 3 | 6 | 9 |
4 Андижанка |
3 | 2 | 0 | 1 | 12 | 5 | 7 | 6 |
5 Олмалиқ W |
4 | 2 | 0 | 2 | 6 | 8 | -2 | 6 |
6 Машъал W |
2 | 1 | 0 | 1 | 4 | 5 | -1 | 3 |
7 Қизилқум Гули |
3 | 1 | 0 | 2 | 2 | 9 | -7 | 3 |
8 Бухоро W |
2 | 1 | 0 | 1 | 2 | 11 | -9 | 3 |
9 Нефтчи W |
3 | 0 | 0 | 3 | 1 | 11 | -10 | 0 |
10 Локомотив W |
3 | 0 | 0 | 3 | 1 | 15 | -14 | 0 |
11 Шўртан Lady |
4 | 0 | 0 | 4 | 0 | 14 | -14 | 0 |
