Goal.com нашрининг махсус рассоми Умар Момани ўзининг футболга оид карикатуралари билан бутун дунёда ном қозонган. Унинг футболда рўй бераётган ҳар бир ҳодисага нисбатан оригинал ёндашуви, креатив ғоялари ўз расмларида акс этади ва юзига беихтиёр табассум югуради.

Биз ана ўша иқтидор эгасининг ижод намуналаридан сизларга ҳам бериб боришни ният қилдик. Аввало, Момани ҳақида қисқача маълумот, кимдир билар, кимдир йўқ. Умар Момани 1981 йили 25 апрель куни Иорданияда таваллуд топган. У фақат Goal.com нашри учун расм чизади. Марҳамат, сизлар ҳам баҳра олинг!

1. “Вест Хэм” мухлислари “МЮ” автобусига ҳужум уюштиришди

Англия премьер лигасининг сўнгги турида “Манчестер Юнайтед” футболчилари ўтирган автобусга “Вест Хэм” мухлислари ҳужум уюштиришди. Натижада, ўйин қолдирилди ва икки кундан кейин ўтказилди.

2. Почеттино янги шартнома имзолади

“Манчестер Юнайтед” собиқ бош мураббийи сэр Алекс Фергюсон билан бирга овқатланган Маурисио Почеттино ҳар хил гап-сўзларга қарамай, “Тоттенхэм” билан янги шартнома имзолади.

3. Ибра-терминатор

“ПСЖ” клубида мавсумни ажойиб тарзда ўтказган Златан Иброҳимович жамоадан кетишини эълон қилди. Лекин бир куни, албатта, мураббий сифатида қайтишини ҳам таъкидлади.

4. “Барселона” – чемпион

Мадриднинг икки клубини доғда қолдириб, “Барселона” мамлакат чемпиони бўлди. Луис Суарес эса тўпурарга айланди. Мадриднинг “Реал” ва “Атлетико” клублари энди Европа чемпионлар лигаси финалида учрашадилар.

5. Рафадан сюрприз

AПЛнинг сўнгги турида қуйи лигага тушиб кетган “Ньюкасл” иккинчи ўриндаги “Тоттенхэм”га ажойиб сюрприз тайёрлаб қўйган экан. “Ажойиб”лиги шундаки, улар йирик ҳисобда ютқазиб, вице-чемпионликдан маҳрум бўлдилар.

6. Решфорд терма жамоада

Февраль ойида “Манчестер Юнайтед” клубида дебю қилган 18 ёшли иқтидор соҳиби Маркус Решфорд Англия миллий терма жамоасига чақирилди. Рой Ходжсон Евро-2016 учун кенгайтирилган таркибда унга ҳам жой топиб берди.

7. Коста Бразилия термасидами?

Шунингдек, Испания терма жамоаси бош мураббийи Висенте Дель Боске ҳам таркибга Мата, Торрес, Касорла ва Костани киритмади. Балки Коста асли бразилиялик бўлгани учундир, Копа Америкада Бразилия таркибида кўрсак, ажабланмаймиз.

8. Сартарош Кевин Гамейро

18 май оқшомида Европа лигаси финали бўлиб ўтди. Унда кетма-кет учинчи марта “Севилья” кубокни илиб кетди. Кевин Гамейро эса ўша куни “Ливерпуль” ҳимоясини кесиб, қирқиб ташлади ва Юрген Клопни кал қилиб қўйди.

9. Исконинг “Месси” лақабли кучуги

Мадриднинг “Реал” жамоаси футболчиси Иско уйида кучук боқармиш, кучукнинг лақаби “Месси” эмиш ва ўша “Месси” Криштиану Роналдунинг оёғини қўйиб юбормас эмиш.