Биласиз, келаётган янги ҳафтада қитъамизнинг клублар миқёсидаги энг нуфузли мусобақаси саналадиагн ОФК Чемпионлар Лигасида 1/8 финал жавоб учрашувлари бўлиб ўтади.

Мамлакатимиз шарафини ушбу мусобақада ҳимоя қилаётган ягона жамоа – “Локомотив” Саудиянинг “Ал Ҳилол” клубига қарши баҳс юритади.

Шу ўринда таъкидлаш жоизки, мазкур мусобақада ҳамюртимиз Сардор Рашидов ўйнаётган Қатарнинг “Ал Жаиш” жамоаси ҳам юришни давом эттирмоқда. “Жаиш” бу босқичда Қатарнинг яна бир жамоаси – “Лаҳвия”га тўқнаш келди. Илк учрашувда йирик 4:0 ҳисобида ғалабага эришган “Ал Жаиш” кейинги босқичга чиқиш учун жуда яхши имконият хосил қилган.

“Жаиш” матбуот хизматининг маълумот тарқатишича, жамоа чоршанба куни бўладиган жавоб учрашувига жиддий ҳозирлик олиб бормоқда.

Ҳамюртимиз ҳам жамоа сафида “Лаҳвия” билан бўладиган навбатдаги дуэлга тайёрланмоқда.

Таъкидлаб ўтамиз, ўтган сафарги учршувда Сардор Рашидов иккинчи бўлимнинг 66-дақиқасида майдонга туширилганди ва 24 дақиқа ўйнаганди.

ОЧЛ. 1/8 финал. Жавоб учрашувлари

24 май. "Чонбук Моторс" - "Мельбурн Виктори"

24 май. "Шанхай" - "ФК Токио"

24 май. "Тракторсози" - "Ал Наср"

24 май. "Локомотив" - "Ал Ҳилол"

25 май. "Ал Жаиш" - "Лаҳвия"

25 май. "ФК Сеул" - "Урава Редс"

25 май. "Сидней ФК" - "Шандонг Луненг"

25 май. "Зобахан" - "Ал Айн"