Олий лигада чемпионлик учун кураш олиб бораётган “Локомотив” ўзининг навбатдаги учрашувини 30 май куни ўтказади. “Темирйўлчилар” 10-тур доирасида “Қўқон-1912″ меҳмони бўлишади.
Жамоа аъзолари бу ўйинга тайёргарликни жиддий тарзда давом эттиришмоқда. “Локомотив” футболчилари бугун навбатдаги машғулотни ўтказишди. Машғулотда биргина Неманья Яничични ҳисобга олмаганда қолган барча ўйинчилар иштирок этишди. Сербиялик ҳимоячи ҳозирда елкасидан олган жароҳатни даволаш билан банд. Шу боис у якка тартибда шуғулланди.
“Локо” вакиллари якшанба куни эрталаб Қўқон сари йўл олишади. Эслатиб ўтамиз, “Қўқон-1912″ – “Локомотив” баҳси 30 май куни бўлиб ўтади ва учрашув соат 17:30да бошланади.
