Италия терма жамоаси бош мураббийи Антонио Конте Шотландия терма жамоасига қарши ўртоқлик учрашувидан сўнг Европа Чемпионатида қатнашиши мумкин бўлган рўйхатни танлаш жараёни қандай кетаётганили ҳақида айтиб ўтди.
«Барча футболчиларга миннатдорчилик билдирмоқчиман. Улар терма жамоага бефарқ эмасликларини исботлаб беришди. Бироқ, мен сешанба куни Европа чемпионатида қатнашадиган якуний рўйхатни эълон қилишим керак, бу жуда мураккаб вазифа. Таркибга кирмай қоладиган футболчиларга олдиндан миннатдорчилик билдираман. Уларнинг барчаси ажойиб футболчилар ва олдинда уларни кўп нарсалар кутмоқда.
Ҳозирча ҳеч кимга ҳеч нарса демадим. Эртага терма жамоа шифокори Энрико Кастелаччи билан учрашаман. Биз барча маълумотларни солиштирамиз ва хотиржам якуний рўйҳатни эълон қиламан», – деди Конте Football Italiaга берган интервьюсида.
