Португалиялик Криштиану Роналду ("Реал"), аргентиналик Лионель Месси ("Барселона") ва француз Антуан Гризманн ("Атлетико") ЕЧЛнинг 2015/16 йилги мавсуми учун рамзий терма жамоаси таркибидан ўрин олди. Бу ҳақда УЕФА расмий сайтида хабар берилган.

Роналду, Гризманн ва Мессидан ташқари, "йил жамоаси"дан дарвозабонлар Ян Облак ("Атлетико"), Мануэль Нойер ("Бавария"); ҳимоячилар Диего Годин, Хуанфран (иккиси - "Атлетико"), Тиаго Силва ("Пари Сен-Жермен"), Серхио Рамос, Марсело (иккиси - "Реал"); ярим ҳимоячилар Габи, Коке (иккиси - "Атлетико"), Андрес Иньеста ("Барселона"), Тони Кроос, Лука Модрич (иккиси - "Реал"); ҳужумчилар Луис Суарес ("Барселона"), Роберт Левандовски ("Бавария"), Гарет Бэйл ("Реал") ҳам ўрин олган.

2015/16 йилги ЕЧЛ чемпиони финалда "Атлетико"ни пенальтилар сериясида 5:3 ҳисобида мағлуб этган "Реал" жамоаси бўлди. Ўйиндаги якунловчи зарба Криштиану Роналду томонидан йўлланди. Бу "Реал"нинг ўз тарихида 11-марта ЕЧЛ ғолиблигига эришиши бўлди.