“Қўқон-1912” – “Локомотив”  учрашувидан кейин ўтказилган матбуот анжуманининг биринчи қисмида меҳмонлар устози Андрей Микляев иштирок этди.

— Бугун оғир ўйин бўлишини билардик. Сабаби, ўтган йили айнан Қўқонда йўқотилган очколар бизга чемпионлик пойгасида панд берганди. Бугун тажриба борасида рақибдан устун келдик. Тан олиш лозим, Осиё Чемпионлар лигасидаги оғир учрашувдан кейин шогирдларимизнинг ўзига келиши қийин кечди. Аммо такрор айтаман, бугун маҳорат эвазига рақибни мағлуб этдик.