Ўтмишнинг машҳур футболчиларидан бири Пеле ўзининг барча соврин ва эсдалик буюмларини июнь ойида Лондонда бўладиган уч кунлик кимошди савдоларига қўймоқчи.

Хабар беришларича, 75 ёшли бразилиялик жаҳон чемпионатларида қўлга киритган учта олтин медали билан ҳам хайрлашишга тайёр — медалларнинг ҳар бири 141 минг фунтга баҳоланмоқда.

XX асрнинг энг яхши футболчиси учун мўлжалланган соврин 281—420 мингга, Пеле ўзининг 1000-голини урган тўп эса 28—24 минг фунтга баҳоланган.

“Бу қарорни қабул қилиш осон бўлгани йўқ. Бу буюмларни эҳтиёткорлик билан асраб-авайлаш керак, шу сабабли ҳам уларни бошқаларга тарқатиш тўғри бўлади, деган фикрга келдим”, — деди Пеле.