«Ювентус» клуби ўз таркибида «Реал»нинг 3 футболчиси — Матео Ковачич, Тони Кроос ва Борха Майорални кўришни истамоқда.
«Юве» спорт директори Жузеппе Маротта келаси ҳафтада бу масалада «Реал» вакиллари билан суҳбатлашмоқчи. Учрашув давомида томонлар Альваро Моратанинг Туриндан Мадридга қайтариш масаласини ҳам муҳокама қилишади.
2014 йилда «Бавария»дан «Реал»га ўтган Тони Кроос якунланган мавсумда Испания чемпионатининг ушбу мавсумида 32та ўйинда майдонга тушиб, 1та гол урди. 22 ёшли хорватиялик футболчи Ковачич 2015 йилда «Интер»дан харид қилинганди. У мазкур мавсумда 25та ўйинда иштирок этди. 19 ёшли Борха Майораль "Мадрид" тарбиялагнувчиси бўлиб, «Реал» сафида 6та ўйинда майдонга тушди.