«Барселона» спорт директори Роберто Фернандес ҳимоячи Дани Алвеш ёзда жамоани тарк этишини маълум қилди.
«Дани кетишга қарор қилди, бу унинг шахсий қарори ва биз уни ҳурмат қиламиз. Бу ерда ортиқча гап ўрин йўқ, у ҳаммани олдиндан огоҳлантирган эди.
«Дани — ақлбовар қилмас ўйинчи. Ўтган ёз биз у билан шартномани узайтиришга муваффақ бўлгандик. Клуб ўшанда мураккаб вазиятда эди, Данининг жамоадаги ўрни муҳим эди ва биз унга қолишни таклиф қилгандик.
«Ўша музокаралар давомида Алвеш ўз шартини қўйганди — жамоа билан шартномасини фақат бир йилга узайтириб, сўнг эркин агент сифатида кетишини айтган эди», — деди Фернандес.
