Франция терма жамоаси таркибида жаҳон ва Европа чемпионлигини қўлга киритган Лилиан Тюрам Евро-2016га боролмайдиган бўлган Карим Бенземанинг сўзларига муносабат билдирди.
Аввалроқ Карим Бензема франциялик ирқчиларнинг босими остида қолгани, шу сабабли уни — келиб чиқиши шимолий африкалик бўлган футболчини термага жалб этмагани ҳақида фикр билдирган эди.
«Бензема ўз сўзлари билан ўзини ҳар қандай масъулиятдан озод қилмоқда. Ҳозир биз терма жамоани асраб-авайлашимиз керак. Бензема термани яхши кўришини айтмоқда, бироқ бундай муҳаббат фақат зарар келтиради», — деди Тюрам.
«Карим бир нарсани — уни фақат бир сабаб билан — унинг Вальбуэна ишидаги иштироки сабаб Евро-2016га олишмаганини ёдидан чиқармоқда», — дея қўшимча қилди Лилиан Тюрам.
