Бразилиянинг «Коринтианс» клуби ҳужумчиси Кайо Эмерсон фаолиятини «Барселона»да давом эттирадиган бўлди.
17 ёшли футболчи келаси йилнинг февраль ойида 18 ёшга тўлганидан кейин Испанияга кўчиб ўтади. Ўша пайтдан бошлаб беш йиллик шартнома кучга киради.
«Барселона» ушбу футболчи курашда «Манчестер Сити» ва «Челси»ни ортда қолдирди. "Шаҳарликлар" скаутлари Эмерсонни 6 йилдан бери кузатиб келаётган эдилар.
Эмерсон 17 ёшгача бўлган футболчилар ўртасида Бразилия кубоги мусобақасининг энг яхши тўпурари бўлди ва ўз жамоаси билан совринни қўлга киритди.
Таъкидлаш лозим, ҳужумчи билан шартнома имзолашда «Барселона»га Лионель Мессини клубга олиб келган агент ёрдам берди.