ФИФАнинг собиқ президенти Йозеф Блаттер катта миқдордаги пул маблағларни ўзлаштириб юборганлиги тўғрисидаги гапларнинг асоссиз эканини билдирди.
"Менинг адвокатим Ричард Каллен гапларига қараганда ҳаммаси тоза ва ҳалол" - деди Блаттер.
"Жаноб Блаттер олган тўловлар қонун доирасида ва адолатли бўлганлиги ҳақидаги ҳужжатларни ФИФАга тақдим қилишга тайёрмиз. Уларнинг миқдори дунёнинг энг йирик спорт лига раҳбарлари оладиган тўловлар даражасида бўлган" - деди Блаттернинг адвокати.
Эслатиб ўтамиз, бир неча кун олдин, ФИФА мулозимларидан Блаттер, Жером Вальк ва Маркус Каттнер 5 йил ичида 80 млн. доллар маблағни ўзлаштириб юборганликлари маълум бўлган эди.
