"Севилья" клубининг бош мураббийи Унаи Эмери украиналик футболчи Евгений Коноплянканинг ўйинидан норози бўлиб, уни трансферга қўйишни талаб қилмоқда.
Бироқ клубнинг спорт директори Рамон Мончи бунга қарши чиқиб, Коноплянкани сотиб олиш фикри айнан бош мураббийдан чиққани, у ҳали жамоада 1 мавсум ўйнагани, кейинги мавсумда ўйинини юқори савияга олиб чиқишга қодирлигини айтмоқда.
Коноплянка ўтган мавсумдан буён "Севилья" таркибида тўп сурмоқда. У Гамейро билан бир қаторда ҳаммадан кўп (52) ўйинда майдонга тушганига қарамасдан, "рохибланкос" бош мураббийининг ишончини оқламаган.
Estadio Deportivo хабарига кўра, Англиянинг "Лестер Сити" клуби унинг хизматларига қизиқиш билдирган. Инглизлар украиналик футболчи учун 22 млн. фунтдан воз кечишга тайёр.
