7 июнь куни Далянь шаҳрида Хитой терма жамоаси Қозоғистон билан ўртоқлик ўйинини ўтказади. Бу беллашувни ўтказиш таклифи хитойликлардан чиққан бўлиб, улар қозоғистонликларнинг келиб-кетиш ва яшаш харажатларини тўлиғича ўз зиммаларига олишган.
Хитойликларнинг фикрича, Қозоғистон терма жамоасининг ўйини Ўзбекистон терма жамоасининг ўйинига ўхшаш ва бу учрашув ЖЧ-2018 саралаш мусобақасидаги ўзбекистонликларга қарши ўйинга тайёргарлик вазифасини ўтайди.
Ўз навбатида, бу ўйинни ўтказилишига Қозоғистон ОАВлари турли муносабат билдиришган. Хусусан, Sports.kz сайти бу ўйинни ўтказилишидан норози бўлиб, хитойликларнинг ўйини ЖЧ-2018 саралаш ўйинларидаги қайси рақибимизникига ўхшайди деган саволни қўйган.
Эслатиб ўтамиз, Қозоғистон терма жамоаси ЖЧ-2018 саралаш ўйинларида Руминия, Дания, Польша, Черногория ва Арманистон билан бир гуруҳда ўйнайди.
