“Спартак Москва” клубининг голландиялик яримҳимоячиси Куинси Промеснинг раҳбарият билан шартномасини узайтириш ҳақида олиб борган музокараси тафсилотлари ойдинлашди.

Футболчи Москва клубида қолиши учун маошини 1,3 млн. евродан икки баробар оширилишини талаб қилмоқда. Акс ҳолда Промес фаолиятини топ-чемпионатлардан бирида давом эттиришни афзал кўрмоқда. Эътиборлиси шундаки, Промеснинг талаби қондирилса, у клубда энг кўп маош олувчи футболчилар рўйхатида Сальваторе Боккеттидан сўнг 2-ўринга кўтарилади.

“Спартак” клуби эса футболчи билан шартномани 2020 йилгача узайтирмоқчи, бироқ маошини оширмоқчи эмас.

Эслатиб ўтамиз, Куинси Промес Россия чемпионатининг ўтган мавсумида 30 ўйинда 18 гол уриб, тўпурарлар баҳсида 2-ўринни эгаллади.