Португалиянинг “Лейрия” клуби президенти Александр Толстиков ва унинг маслаҳатчиси Сергей Реница ҳибсхонада очлик эълон қилишди.
47 ёшли россиялик тадбиркор ва унинг 38 ёшли руминиялик ҳамкасби ҳеч қандай далил-исботсиз қамоқда ушлаб турилганига норозилик билдириб, шу ишга қўл уришди деб хабар беради Expresso.
Португалия прокуратураси маъулмотига кўра, Толстиков ва Реница ноқонуний даромадларни легаллаштириш, ҳужжатларни сохталаштириш, солиқларни тўлашдан бўйин товлаш ва рус мафияси билан тил бириктиришда гумонланишмоқда.
Улар Европол билан ҳамкорликда олиб борилаётган “Матрёшки” номли операция доирасида қўлга олинишган.
