Electronic Arts компанияси FIFA 17 ўйини ҳақида дастлабки маълумотларни тарқатди.
“Футбол ўзгармоқда” шиори остида чиқарилаётган ушбу видеоўйин янги Frostbite дастури асосида яратилади. 27 сентябрь куни ўйиннинг Xbox One, PlayStation 4 ва РС версиялари савдога чиқарилади. Xbox 360 ва PlayStation 3 версиялари ҳам бўлади, бироқ уларда Frostbite бўлмайди. Ўйиннинг тақдимот маросими 12 июнь куни ўтказилади.
FIFA 17 муқовасида Месси бўлмайди, унинг ЕА компанияси билан тузган шартномаси ўз ниҳоясига етган. Янги муқовадан “Реал Мадрид” футболчиси Хамес Родригес, “Манчестер Юнайтед” ҳужумчиси Антони Марсиал, “Челси” яримҳимоячиси Эден Азар ва “Боруссия Дортмунд” футболчиси Марко Ройс жой олишади.