Испаниянинг Marca газетаси хабарига кўра, миллий терма жамоанинг ҳозирги бош мураббийи Висенте дель Боске Европа чемпионатидан сўнг ўз лавозимини тарк этади.
Ҳозирги кунда, «Вильярреал» клубининг бош мураббийи Марселино Гарсия Тораль Испания терма жамоасини бошқариш учун асосий номзод бўлиб турибди.
50 ёшли мутахассис «Вильярреал» клуби билан 2019 йилгача шартнома имзолаган бўлиб, унинг бошчилигида клуб чемпионатда 4-ўринни эгаллади ва ЕЧЛга йўлланма олди. Клуб раҳбарияти уни терма жамоага чақирилишидан хабардор ва янги бош мураббийни излаш ишларини бошлаб юборган.
