УЕФА ўз расмий сайтида Евро-2016да иштирок этувчи терма жамоа футболчиларининг исми-шарифи қандай талаффуз қилиниши кераклиги тўғрисида шарҳловчилар учун қўлланма эълон қилди.
Ташкилот мутасаддиларининг фикрича, исми-шарифи қийин талаффуз қилинадиган футболчилар Албания ва Хорватия терма жамоасида энг кўп – 17 нафарни ташкил қиларкан.
Бундан ташқари, мураккаб талаффузли исм-шарифга эга футболчилар Чехия, Польша, Венгрия терма жамоаси (16 нафардан), шунингдек Франция терма жамоаси (15 нафар) сафида ҳам кўплиги эътиборга молик.
Тўлиқ рўйхатни қуйидаги ҳаволадан билиб олиш мумкин.
