УЕФА ташкилотининг янги президенти 14 сентябрь куни, Афина шаҳрида ўтказиладиган навбатдан ташқари конгрессда сайланади. Номзодлар 20 июлга қадар ўз аризаларини топширишлари керак. Бироқ, УЕФА мулозимларининг хабарига кўра, сайловда фақат бир киши қатнашиши кутилмоқда. Анхель Мария Вильяр ҳозирча бу лавозимга ягона номзод бўлиб турибди.
ЕЧЛ финалидан бир кун олдин, Миланда Европа ва дунё футболининг мулозимлари учрашишди. Норасмий мажлис давомида УЕФА президенти сайловида фақат бир номзод иштирок этишига келишиб олинди. Иштирокчиларнинг фикрига кўра, Европа футболида ҳамфикрлик мавжуд, ташкилотда инқироз йўқ, Мишел Платинининг четлатилиши ташкилот сафида бўлинишга олиб келмаган.
Демак, Испания футбол федерациясининг президенти Анхель Мария Вильяр катта эҳтимол билан УЕФА президентлигига сайланади.
