10 июнь куни Фарғонадаги “Истиқлол” стадионида навбатдаги водий дербиси бўлиб ўтади. Жума куни Андрей Фёдоров бошчилигидаги “Нефтчи” жамоаси Олий лига 11-тур доирасида Сергей Ковшов бошқараётган “Қўқон-1912” клубини қабул қилади. Ушбу жамоаларнинг ўзаро ўйинлардаги статистик маълумотлари билан таништириб ўтамиз.
Ўзаро ўйинлар
Бу жамоалар шу кунга қадар Олий лига доирасида 20 марта тўқнаш келишган. Ўйинларнинг 17 тасида “Нефтчи” ғалаба қозонган бўлса, иккита баҳсда ғолиб номи аниқланмаган. Битта учрашувда вакилларизнинг қўли баланд келган. Тўплар нисбати – 62-23, “Нефтчи” фойдасига.
Тарихий ғалабалар
Ўтган йили бу жамоаларнинг “Истиқлол” стадионида ўтказилган баҳсида “Қўқон-1912” жамоаси тарихий ғалабани қўлга киритган. Ўша учрашувда Дониёр Усмонов томонидан киритилган ягона гол вакилларимизга уч очко тақдим этиш билан бирга Қўқон футболида янги тарих яратди.
Бундан олдин эса 2014 йили Ўзбекистон Кубоги 1/16 финал доирасида “Нефтчи” ва “Қўқон-1912” жамоалари рўбарў келишганди. Қўқондаги “Марказий” ўйингоҳда бўлиб ўтган баҳснинг асосий вақтида ҳисоб очилмади. Пенальтилар сериясида эса қўқонликларга омад кулиб боққанди. Бу ҳам тарихий ғалабалардан бири эди.
Фарғонада бўлиб ўтган сўнгги беш учрашув
30.10.2015
Нефтчи – Қўқон-1912 – 0:1 (0:0)
08.09.2003
Нефтчи – Қўқон-1912 – 6:2 (4:0)
29.06.2002
Нефтчи – Қўқон-1912 – 6:3 (1:2)
29.10.2000
Нефтчи – Темирйўлчи – 4:0 (3:0)
06.04.1999
Нефтчи – Темирйўлчи – 5:1 (3:0)
Вилоят дербисини Агишев бошқаради
10 июнь куни футбол мухлислари навбатдаги водий дербисига гувоҳ бўлишади. Жума куни Фарғонадаги “Истиқлол” стадионида бўлиб ўтадиган баҳсни Вадим Агишев бошчилигидаги ҳакамлар бошқариб борадиган бўлишди.
Олий лига
11-тур
«Нефтчи» (Фарғона) – «Қўқон-1912» (Қўқон)
Ҳакамлар: В. Агишев (Тошкент), М. Саидқосимов (Тошкент), А. Снетков (Тошкент вил.), А. Нажафалиев (Тошкент)
Назоратчи: А. Арутюнов (Тошкент).
ЎзПФЛ вакили: Б. Ҳайдаров.
Учрашув бошланиш вақтлар
10 июнь куни учрашув соат 19:00да бошланиш белгилаб қўйилган. 9 июнь куни эса ўринбосарлар баҳси ўтказилади. Ўйин соат 17:00да бошланади. Барча футбол мухлисларимизни вилоят дербисида жамоамизни қизғин қўллаб-қувватлашга чорлаб қоламиз.
