Германия терма жамоаси таркибида Европа чемпионатига тайёргарлик жараёнида мажбурий ўзгариш юз берди. Bundesliga Spotlight хабарига кўра, Жонатан Та машғулот вақтида Томас Мюллер билан тўқнашиш натижасида жароҳат олган Антонио Рюдигер ўрнини эгаллайди.
23 ёшли Рюдигер Евро-2016ни ўтказиб юборишига унинг тизза қисмидаги мушакларида олинган жароҳати сабаб бўлади.
Ўтган мавсумда Та «Байер» учун Германия чемпионатида 29 учрашув ўтказган.
Германиянинг Евро-2016 турнири гуруҳ босқичидаги рақиблари Украина, Польша ва Шимолий Ирландия ҳисобланади. Йоахим Лёв шогирдлари илк учрашувни 12 июнь куни украинларга қарши ўтказади.
