«ПСЖ» ҳимоячиси Грегори ван дер Виль «Рома»га ўтишга яқин турибди.
Голландиялик футболчи бугун Римга келиб, «Рома» спорт директори Вальтер Сабатини билан музокаралар ўтказди.
Ван дер Виль йиллик маоши уч миллион еврога тенг уч йиллик шартнома имзолашга умид қилмоқда. Рим клуби эса йилига 2,5 миллион евродан ортиқ тўлашни истамаяпти.
Агар томонлар бир-бирига ён бера олса, трансфер ҳақида бугуннинг ўзидаёқ расман маълум қилинади.
Эслатиб ўтамиз, ван дер Вилнинг трансфери эркин агент ҳуқуқида амалга оширилади, чунки футболчининг «ПСЖ» билан шартномаси якунига етиб бормоқда.
