Франция терма жамоасининг собиқ ҳимоячиси Марсель Десайи француз фанатлари футболчилардан Евро-2016 ўйинларидан олдин мадҳия куйлашни талаб қилмаслиги кераклигини гапирди. 47 ёшли французнинг фикрича, ҳар бир футболчи ўйинга ўзи хоҳлаган тарзда тайёрланиши лозим.
“Мадҳия ҳақидаги гаплар яна қалқиб чиқмаса керак. Футболчилар мадҳияни куйлаши шартмас. Бу регби ўйини эмас, ўйинчилар майдонга рақибни янчиб ташлаш учун тушишмайди, урушга отланишмайди. Улар футбол ўйнашади. Уларни ўз ҳолига қўйишимиз керак, ҳар бир футболчи ўзи истаган тарзда ўйинларга тайёргарлик кўраверсин” – деди Десайи Goal хабарига кўра.
