“Бунёдкор” – “Қизилқум” учрашувидан кейинги матбуот анжуманининг биринчи қисмида “кончилар” устози қатнашди.

- Бундай иссиқ об-ҳавода тўп тепиш ҳар иккала жамоа учун ҳам оғир бўлди. Учрашувнинг асосий қисмида рақибга муносиб қаршилик кўрсатиб келдик. Бироқ охирги дақиқаларда хатоларга йўл қўйдик. Натижада мағлубиятга учрадик. Фикримча, ўйин тақдирини тажриба ҳал қилди. Учрашувни бошланғич таркибда бошлаган футболчиларимга ҳеч қандай эътирозим йўқ. Бироқ захирадан тушганлар ўйинимизни кучайтира олишмади. Мағлубиятимизда дарвозабонимизнинг ҳеч қандай айби йўқ. Ўйин олдидан у менга сўз берганди ва у бунинг исботи сифатида бир қанча вазиятларда яхши ҳаракат қилди. Тошкентга анча олдин келдик ва баҳсга яхши тайёрлангандик. Мақсадимиз уйга очко билан қайтиш эди. Бироқ режаларимиз ўйлаганимиздек бўлиб чиқмади. Бу – футбол! Нима ҳам қилардик, энди кейинги учрашувларга тайёргарлик кўрамиз, - дейди Ҳамиджон Ғуломович.