Океания миллатлари кубоги финалида Янги Зеландия терма жамоаси Папуа-Янги Гвинея билан ўйнаб, пенальтилар сериясида 4:2 ҳисобида ғалаба қозонди ва Океания чемпиони бўлди.
Натижада янгизеландияликлар келаси йили Россия майдонларида ўтказиладиган Конфедерация кубогининг 6-иштирокчисига айланишди.
Улардан ташқари бу мусобақада Россия (ЖЧ-2018 мезбони), Германия (ЖЧ-2014 ғолиби), Австралия (Осиё кубоги-2015 ғолиби), Чили (Америка кубоги-2015 ғолиби) ва Мексика (КОНКАКАФ Олтин кубоги-2015 ғолиби) ҳам иштирок этади.
Мусобақанинг яна иккита иштирокчиси Евро-2016 ва Африка миллатлари кубоги-2017 мусобақасидан сўнг аниқланади.
Океания миллатлари кубоги. Финал.
Янги Зеландия – Папуа-Янги Гвинея — 0:0 (пен. 4:2).
