УЕФА россиялик мухлисларнинг Россия – Англия ўйини пайтида келтириб чиқарган тартибсизликлари юзасидан Россия футбол иттифоқига қарши интизомий иш очди. Ўйин пайтида улар Англия терма жамоасининг қоратанли футболчилари шаънига ирқий камситувчи чақириқлар билан хитоб қилишган. Ўйиндан сўнг эса инглиз мухлисларига ҳужум уюштиришган.
УЕФА “Велодром” стадионидаги ўйин пайтида юзага келтирилган тартибсизликлар бўйича якуний қарорни 14 июнь куни чиқаради.
Россия терма жамоаси гуруҳдаги навбатдаги ўйинни 15 июнь куни, Словакия терма жамоасига қарши ўтказади.
