Швеция терма жамоасининг мухлислари Европа чемпионатига етиб келиш борасида муаммога дуч келишди.
Гап шундаки, Швециянинг SAS авиакомпанияси учувчилари томонидан уюштирилган иш ташлаш тадбири натижасида, юзлаб авиарейслар бекор қилинган. Тадбир уч кундан буён давом этмоқда.
“Бугун авиакомпания 220 рейсни бекор қилди, 26 мингдан ортиқ йўловчи Швециядан учиб кета олишмаяпти. Уларнинг кўпчилиги Евро-2016га ташриф буюришни ният қилган мухлислардир.
SAS учувчилари ойлик-маошларни 3,5%га ошириб, меҳнат шароитларини яхшилашни талаб қилиб иш ташлашган. Касаба уюшмаси ва иш берувчилар орасида музокаралар давом этмоқда”, деб хабар беради Yahoo Sports.
Швеция терма жамоаси Европа чемпионатидаги дастлабки ўйинни 13 июнь куни, Ирландия терма жамоасига қарши ўтказади.
