Англия футбол мухлислари ассоциациясининг раҳбарларидан бири Кевин Майлз Россия терма жамоасини Европа чемпионатидан четлатиш лозимлигини гапирди.
Унинг гапига қараганда, россияликлар қуюшқондан чиқиб кетиб, ҳаддан ташқари зўравонлик қилишяпти.
“Евро-2000 пайтида инглиз фанатларининг оддий безорлиги туфайли Англияни чемпионатдан четлатишмоқчи эди. Бу ерда эса россияликларнинг ҳаддан ташқари зўравонлиги ҳеч кимни қайғуга солмаяпти. Стадионда бўлиб ўтган воқеадан шуни хулоса қилиш мумкинки, россиялик безорилар тўқнашувларга олдиндан пухта тайёргарлик кўришган ва режа асосида ҳаракат қилишган. Полиция эса бунга қарши деярли қаршилик кўрсатмади” – деди Майлз.
