Франция полицияси Марсель шаҳридаги тартибсизликлар юзасидан 116 нафар мухлисни қўлга олган. Улар орасида инглиз ва рус фуқаролари кўпчилик бўлиб, бугун улар суд маҳкамасида жавоб беришади.

Мухлисларга безорилик, зўравонлик, полицияга қаршилик кўрсатиш каби айбловлар қўйилмоқда. Уларни жарима ва мамлакат ҳудудидан бадарға қилиш каби жазолар кутмоқда.

Шунингдек суд қарорига кўра безорилар мамлакат ҳудудига кириш ҳуқуқидан ҳам маҳрум қилинишади.

Ҳозирги пайтда полиция тартибсизликларга алоқадор бошқа шахсларни излашда давом қилмоқда.