Испания терма жамоаси ҳимоячиси Серхио Рамос Евро-2016 гуруҳ босқичининг 1-турида Чехияга қарши ўйиндан кейинги таассуротлари билан бўлишди. Учрашув 1:0 ҳисобида испанлар фойдасига ҳал бўлди. Испанлар дарвозасини Давид де Хеа қўриқлади.

"Ҳеч ким осон бўлади деб айтмаган. Жамоа етакчилик қилди ва ўз тазйиқини ўтказди ва охир-оқибат ўзига керакли натижага эришди. Пике жуда яхши гол урди. Биринчи ғалаба бор, худди шу йўсинда давом эттириш лозим. Чехия мудофаада зич ўйнади, биз эса чизиқлар ўртасидаги ҳудудда жойлашишга ҳаракат қилдик. Агар биз танаффусгача гол ура олмаганимизда, барчаси ўзгача тус олиши мумкин эди.

Шунча йилдан кейин ортга қараб, дарвозада Икер Касильясни кўрмаслик бироз ноодатий, бироқ де Хеа жуда яхши мавсум ўтказди. Бугун у жуда яхши ўйнади", деб Рамоснинг айтган сўзларини келтириб ўтди AS нашри.