Португалия терма жамоаси ҳужумчиси Рикарду Куарежма Евро-2016 мусобақасининг биринчи турида Исландия устидан ғалабага эриша олмаганликларини фожиа деб билмаслигини маълум қилди.
“Португалия терма жамоаси ўйинчиларига босим остида ўйнаш ёқади, бу муаммо эмас. Биз кейинги учрашувларга тайёрмиз. Бизнинг ёш футболчиларимиз Европанинг кучли клубларида тўп суришади ва Чемпионлар лигаси ўйинларида тажриба орттиришган. Шу сабабли босим уларни чўчитмайди. Биз мусобақани яхши бошламадик, бироқ олдинда бизни бошқа учрашувлар кутиб турибди”, – деди Куарежма.
Маълумот учун, Португалия амда Исландия ўртасидаги учрашув 1:1 ҳисобидаги дуранг билан якунланган эди.
